Janë nxjerrë nga miniera e Bulqizës pas pesë ditësh, trupat e pajetë të tre minatorëve kinezë, të cilët humbën jetën të shtunën e kaluar pas shpërthimit të gazit hidrogjen në minierë. <br /><br />Punimet për nxjerrjen e tre minatorëve të pajetë nga thellësia e minierës së Bulqizës, nisën një ditë më parë, por u vështirësuan si rrjedhojë e shpërthimeve të gazit hidrogjen në thellësi. <br /><br />Trupat e pajetë të minatorëve janë dërguar në morgun e Tiranës ku do t'u bëhet ekspertiza mjeko ligjore, ndërsa do të jetë ambasada Kineze ajo që do të vijojë më tej me procedurat e dërgimit të të ndjerëve në atdheun e tyre. <br /><br />Tre minatorët kinezë u gjetën pasditen e djeshme në nivelin e 21 të minierës.<br /><br />Megjithë vështirësitë e krijuara, puna për nxjerrjen e minatorëve, rinisi në orën 07:00 të mëngjesit të kësaj të premte.<br /><br />Tre minatorët kinezë humbën jetën një javë më parë në minierën e Bulqizës pasi shpërtimit të gazit hidrogjen. Nga ky incident mbetën të plagosur dhe tre minatorë të tjerë. <br /><br />Ngjarja ka ndodhur gjatë punimeve që po zhvilloheshin në kuadër të investimit për hapjen e pusit të thellësisë që do të shtojë jetëgjatësinë e kësaj zone mineralmbajtëse.
