TIRANË-Në më pak se 3 minuta autorët e grabitjes së një dite më parë në aksin Qafë Kashar-Rinas kanë mundur të marrin 2.7 milion euro të cilat po transportoheshin nga banka e nivelit të dytë në Tiranë me destinacion Vjenën.<br /> <br />Kjo shifër është konfirmuar nga prokuroria e Tiranës për Report Tv ndërsa rezulton se thasët e parave të grabitura janë 8, thashë të cilët kanë qenë të mbushura me para dhe të vendosura në arkat që shihni në këto pamje.<br /> <br />Nga hetimet deri në këtë fazë ku janë firmosur 6 urdhër arreste kanë nxjerr në pah se punonjësit e policisë private ?Jaguar Security? kanë shkelur rregullat duke lëvizur me para me vete dhe pse kamerat e sigurisë ishin të fikura dhe automjetet e eskortës nuk plotësonin kushtet e sigurisë.<br /> <br />Një ditë më parë Report Tv mundi të sigurojë pamjet ekskluzive nga momenti i grabitjes ku në pak minuta 5 autorë të dyshuar bllokojnë eskortën e dy mjeteve të modifikuara si blinda sulmojnë me armë policët privatë marin paratë e largohen.<br /> <br />Drejtori i Përgjithshëm i Sigurisë në Policinë e Shtetit Altin Qato në një dalje për mediat ka bërë publike edhe shkeljet dhe mosrespeiktimin e masave të sigurisë nga ana e kompanisë së ruajtjes ?Jaguar?, i cili theksoi gjithashtu se kjo kompani edhe pse iu hoq licenca, sot ajo vazhdoi punën duke transportuar një tjetër sasi parash, por që u bllokua në kohë nga ana Policisë.
