"Nuk do të pranojmë zgjedhje të vjedhura". Me këtë paralajmërim kryetari i PD, Lulzim Basha ka nisur takimin me të rinjtë e Forumit Rinor të djathtë.<br /> <br />Basha deklaroi se duhet të rikthejmë lirinë e fjalës dhe të votës, pasi vendi është në rrezik nga krimi dhe korrupsioni.<br /> <br />"Nuk u realizua asnjë nga premtimet e qeverisë. Fatin e vendit do ta marrin në dorë vetë qytetarët në protestën e 18 shkurtit.<br /> <br />Nuk pranojmë zgjedhje të vjedhura, në 18 shkurt në Tiranë do të mblidhemi në një protestë mbarë kombëtare dhe të rinjtë do të jenë në ballë të saj.<br /> <br />Sot kemi kërcënimin nga një tjetër tirani e rrezikshme, propaganda dhe fasada. Sot më i paafti, hajduti dhe krimineli ecën përpara, ndërsa i afti nuk ka të ardhme.<br /> <br />Ditën e parë si kryeminister, vendimi i parë do të jetë anulimi i ligjit të Arsimit të Lartë.<br /> <br />Do të hapim edhe filialet që janë mbyllur nga kjo qeveri, askush nuk do të ngelë jashtë arsimit' deklaroi Basha.<br /><br />Gjithashtu Basha njoftoi gjatë takimit se vajza e Azem Hajdarit i bashkohet PD, pas studimeve në SHBA.<br /> <br />Pak ditë më parë SHBA i revokoi vizën mamasë së saj, gjyqtares Fatmira Hajdari.
