Kryeministri Edi Rama ka hedhur poshtë akuzat ndaj policisë në grabitjen e 3.2 milionë dollarëve në rrugën e Rinasit. Në komunikimin javor, Rama bëri përgjegjëse bankat dhe kompanitë e sigurisë që sipas tij nuk kanë plotësuar asnjë standard për transportimin e parave.<br /><br /> ?Hetimet e kane provuar katërcipërisht, rast pas rasti, se policia e shteti jo vetëm që nuk ka kurrë farë gishti në grabitjet e bankave sikundër akuzojnë në kor levantinët e zullumqarët, por prej kohësh policia ka kërkuar qoftë nga bankat e qoftë nga Rinasi marrjen e masave për garantimin e zinxhirit e brendshëm të sigurisë së tyre,? tha Kryeministri.<br /><br />Sipas Ramës gjatë qeverisjes së Partisë Demokratike ky fenomen arriti shifra rekord.<br /><br /> ?U hodh menjëherë përpjetë e gjithë lukunia e zellshme e luftës kundër reformave dhe vetë ndaj kësaj qeverisë që po hedh bazat për te bërë shtet... Le ta kujtojmë se në kohë e qeverisë së vjetër, bankat janë grabitur 32 herë.?<br /><br />Pas sulmeve ndaj policisë së shtetit dhe Ministrit të Brendshëm, kryeministri thotë se fshihen ata që nuk duan reformën në drejtësi.<br /><br /> ?Jo rastësisht ata që sulmojnë policinë e shtetit janë po ata që sulmojnë vettingun dhe reformën ne drejtësi,? tha Rama.<br /><br /> Kreu i qeverise tha se me afrimin e zgjedhjeve të 18 qershorit sulmet ndaj policisë së shtetit do të rriten. /Tv Klan
