Janë momentet e grabitjes së ndodhur mbrëmjen e të dielës një kazinoje në rrugën e Dibrës, nga një person i armatosur me një pistoletë lodër.<br /><br />Pamjet e siguruara nga Televizioni Klan janë regjistruar nga kamerat e sigurisë së kazinosë. Ora shënon 20:50, kur grabitësi që mban një maskë, një xhup të zi, tuta gri dhe një çantë të vogël në krah, i afrohet kasieres së kazinosë.<br /><br />I drejton pistoletën dhe duke e kërcënuar i kërkon paratë e arkës. Ndërsa punonjësja i lutet që të mos e qëllojë, duke i thënë se ka fëmijë për të rritur.<br /><br />Grabitësi: Nxirri lekët shpejt shpejt<br /><br />Banakierja: Nuk kam shumë<br /><br />Grabitësi: Shpejt shpejt, nxirri të gjitha, shpejt shpejt<br /><br />Banakierja: Aman more çun se kemi kalamaj<br /><br />Grabitësi: Shpejt shpejt, nxirri të gjitha<br /><br />Banakierja: Këto kam unë<br /><br />Grabitësi: Shpejt shpejt nxirri të gjitha...<br /><br />Grabitësi ua drejton pistoletën herë pas here edhe personave të tjerë në kazino.<br /><br />Pasi shitësja nxjerr të gjitha paratë, ai i merr me shpejtësi dhe largohet.<br /><br />Në momentin kur ai ka dalë nga kazinoja, roja e ka kuptuar se pistoleta që mbante në dorë ishte lodër. E ka goditur grabitësin, i cili është rrëzuar në rrugë dhe i ka rënë pistoleta lodër nga dora.<br /><br />Por ka mundur të ngrihet dhe është larguar me vrap, duke marrë me vete edhe shumën e grabitur, e cila nuk bëhet e ditur.<br /><br />Policia thotë se e ka identifikuar autorin, por nuk e ka bërë publik emrin e tij. Ai i njihet si përdorues i lëndëve narkotike dhe është shpallur në kërkim.<br /><br />Tv Klan
