TIRANË-Gjykata e Apelit të Krimeve të Rënda jep pafajësi për gjithë personat e konsideruar si anëtarë të organizatës ?Hakmarrje për Drejtësi?.<br /><br />Orik Shyti, Altin Arapi, Gentian Caka, Nikolin Norvruzaj, Roland Shyti, Leart Shyti, Kreshnik Dëfrim Spahiu, Pasho Novruzaj, Gëzim Gjoni e Dritan Hate, nuk do të jenë më të pandehur pas vendimit që përcaktoi sot Apeli i Krimeve të Rënda.<br /><br />Përfundon keshtu kalvari prej 20 vitesh i hetimeve dhe proceseve gjyqësore ndaj tyre.<br /><br />Akuzat e ngritura ndaj kësaj organizate u lidhën me ngjarje të rënda si vendosja e bombës tek supermarketi i VEFA pranë 9-katësheve, vrasja e ish-drejtorit të Burgjeve, Bujar Kaloshi, vjedhje të bankave dhe arkave të shtetit, rrëmbim dhe disa vrasje e tentativa vrasjesh të tjera.<br /><br />Sipas trupit gjykues të Gjykatës së Apelit, akuzat që rëndonin mbi 10 personat janë të pabazuara me prova dhe si pasojë nuk qëndrojnë.<br /><br />Me këtë vendim të Apelit të Krimeve të Rënda, personat e konsideruar si anëtarë të ?Hakmarrja për Drejtësi? janë të lirë të kthehen në atdhe.<br /><br />Madje pas këtij vendimi pafajësie, juridikisht të gjithë këtyre personave u lind e drejta për të kërkuar dëmshpërblim financiar për ditët e arratisë por dhe ato të qëndrimit në burg.
