LEZHË-Dhjetra banorë të lagjes rrëzë Malit në fshatin Balldre të Lezhës kanë dalë në protestë, pasi edhe pas ndërtimit të ujësjellësit të ri ata nuk do të furnizohen me ujë.<br /> <br />Të gjitha familjet, ndërkohë që edhe rruga është shkatërruar nga këto punime dhe nuk po kthehet në gjendjen e mëparshme.<br /> <br />Sipas tyre janë më shumë se 30 familje të cilët nuk do të furnizohen sërish me ujë, pasi linja e ujësjellësit ka ardhur deri në gjysmën e lagjes së tyre.<br /> <br />Banorët thonë se për këtë çështje i kanë dërguar kërkesë Bashkisë dhe Prefekturës por nuk kanë marrë asnjë përgjigje.<br /> <br />Banorët e kësaj zone thonë se nuk do ta lejojnë firmën që të vijojnë punimet pa u zgjidhur problemet që kanë ngritur.<br /> <br />Për Ujëjellësin i ri të Lezhës ku përfshihen dhe Shëngjini dhe Balldreni janë investuar 12 milionë euro nga Qeveria Gjermane.
