"Ndihem i penduar, pranoj akuzën". Këto kanë qenë fjalët e vetme të ish-policit të kompanisë private, Fation Xhyliu para gjykatës së Tiranës, pasi u njoh me masën 'arrest me burg' së bashku me bashkëpunëtorin tjetër, ish- komandon Ditjon Memlika.<br /> <br />Një ditë pas arrestimit dy nga katër të arrestuarit për grabitjen e blindave me paratë e bankës ditën e enjte në Qafë Kashar kanë dalë para trupit gjykues të Gjykatës së Tiranës.<br /> <br />Pasi u njoh me kërkesën e prokurorisë dhe provat e paraqitura, Gjykata e Tiranës vendosi të vlerësojë të ligjshëm arrestimin e Fation Xhyliut dhe Ditjon Memlikës.<br /><br />Pas seancës për caktimin e masës së sigurisë ndaj dy të dyshuarve të parë si grabitës Xhyliu e Memlikaj reagoi dhe prokurori i çështjes Ervin Karanxha duke deklaruar se hetimet janë të hapur dhe do të ketë të tjerë të arrestuar.<br /><br />Avokati i Fation Xhyliut, Arben Peci u shpreh për mediat pas mbarimit të seancës gjyqësore për masën e sigurisë, se arresti me burg është anti-ligjor, ndërsa klienti, sipas tij është marrë në pyetje pa praninë e një avokati.<br /> <br />"Gjykata në mënyrë anti ligjore vendosi masën arrest me burg. Dua të evidentoj që të drejtat ligjore për të ndaluarin është shkelur.<br /> <br />Pasi është marrë në pyetje pa avokat mbrojtës, nuk është lejuar që unë ta përfaqësoj. Deri tani nuk ka asnjë status ligjor. Fation Xhyliu është ndier i penduar" deklaroi ai.<br /><br />Ndërsa Ditjon Memlika nuk kishte dhe u caktua kryesisht nga gjykata..<br /><br />Fation Xhyliu tregon si i përgatisnin grabitjet<br />ReportTv ka mësuar se Xhyliu ka treguar adresat e banesave të pjesëtarëve të grupit, vendet ku fshiheshin lekët, numrat e telefonit që përdorte ky grup dhe mjetet e tyre.<br /> <br />Po ashtu ai ka treguar se për cdo grabitje përgatitjet zgjasnin për afro 2 muaj dhe ata inskenonin ngjarjet gjatë orëve të natës atëherë kur aksi Qafë-Kashar-Rinas ishte pa trafik.<br /> <br />Të Enjten pritet të dalin para gjykatës Ernest Kupa dhe Neim Avdylaj ndërsa dhe për ta kërkesa e prokurorisë është ajo e arrestit me burg.
