Në dëgjesën e tretë publike, Krybashkiaku i Durrësit, Vangjush Dako premtoi se do të rishikojë projektin për ndërtimin e Velierës. Dako tha se do të shikohet mundësia për të mbrojtur antiken dhe ndërtuar modernen.<br /><br />Arkeologët kërkuan të bëhen sondazhe për nëntokën.<br /><br />Gjatë diskutimit të projektit, arkitektë, urbanistë dhe juristë debatuan ashpër me Kryetarin e Bashkisë Dako, në lidhje me kufirin e zonës A arkeologjike dhe zonës B arkeologjike.<br /><br />Pasi gërmimet për ndërtimin e Velierës nxorën në dritë rrënoja të periudhës otomane, nisi debati i ashpër mes shoqërisë civile dhe qytetarëve durrsakë me Bashkinë Durrës.<br /><br />Ata kërkojnë pezullimin e punimeve. Në vendin prej rreth 100 metra katrorë, ku dolën rrënojat, janë ndërprerë punimet, por në pjesën tjetër të sheshit, mjetet e rënda vazhdojnë.
