Nismë kombëtare e ka cilësuar kryetari i Partisë Demokratike, Lulzim Basha, protestën e opozitës.<br /><br />Pas vendimit të grupit parlamentar për të bojkotuar Kuvendin, shefi i opozitës përshëndeti protestuesit të cilët prej dy ditësh ndodhen te çadra e ngritur posaçërisht në Bulevardin "Dëshmorët e Kombit". <br /><br />"Kjo protestë e PD-së është një nismë kombëtare. Fitorja jonë do të jenë zgjedhje të lira dhe të ndershme. S'ka zgjedhje të lira me këtë qeveri të kapur nga krimi, nuk ka drejtësi, nuk ka rregulla. Me arrogancën dhe paturpësinë e Ramës nuk ka zgjedhje të lira. Jemi të gjithë këtu të gjithë të bashkuar për një qëllim, të garantojmë një proces zgjedhor të lirë dhe të ndershëm", u shpreh Basha.
