Deputeti i PD, Asllan Dogjani akuzon kryeministrin Edi Rama se do blejë votat në 18 qershor. <br /><br />I ftuar në studion e Report Tv, Dogjani komentoi protestën e opozitës përpara Kryeministrisë, duke deklaruar se vota e shqiptarëve është në rrezik nga paratë e krimit dhe drogës. <br /><br />"Rama ka krimin që ka futur në qeveri. Ka inkriminuar një pjesë të zinxhirit të policisë në trafikun e drogës. Kemi ministrin e Brendshëm me makinën e të cilit është transportuar drogë. <br /><br />Në atë çadër janë njerëz të cilët rrinë aty për një kauzë shumë të drejtë. Gjithçka lidhet tek vota. Nëse dikush na merr votën me dhunë me para dhe fakti që në këto katër vite kemi ardhur duke u varfëruar, atëherë ky njeri ka planifikuar ta blejë votën. Ky e ka ndërtuar strategjinë që t'i blejë votat, t'i manipulojë dhe t'i bëjë presion votuesve me paratë e krimit, drogës", u shpreh Dogjani.
