Opozita shqiptare radikalizon dhe ekstremizon aksionin e saj politik, në përpjekje për të detyruar koalicionin PS-LSI që të dorëzojnë pushtetin, për krijimin e një qeverie të përbashkët.<br /><br />Një pjesë e simpatizantëve të PD që morën pjesë dje në protestë e kanë kaluar natën në çadrat e ngritura para Kryeministrisë.<br /> <br />Deri rreth orës 06:00 të mëngjesit me protestuesit ka qëndruar edhe kryetari i PD, Lulzim Basha, i cili më pas është larguar për të pushuar dhe për t'u kthyer sërish në çadrat e ngritura para godinës së qeverisë.<br /><br />Ashtu siç edhe paralajmëroi Shqiptarja.com, me anë të dy artikujve, Partia Demokratike ka vendosur të ngujohet para Kryeministrisë, duke paralajmëruar në të njëjtën kohë një grevë masive urie.
