Në ditën e dytë të protestës së PD, deputeti Gerti Bogdani u shpreh për Report Tv se protesta do të vijojë deri në plotësimin e kërkesës së saj për garantimin për zgjedhje të lira me një qeveri teknike.<br /> <br />"Ishte një vendim i rëndësishëm, gjatë natës ka pasur qindra njerëz, ndërsa gjatë ditës do të ketë edhe shumë të tjerë.<br /> <br />Duam qeveri teknike për të garantuar zgjedhjet e lira dhe të ndershme. Protesta është paqësore dhe ku kërkohet të ketë një ndryshim, jo thjeshtë një parti të zëvendësojë një tjetër.<br /> <br />Disa spekulantë thonë se protesta është alibi për zgjedhjet, por dua të them se kryeministri ka frikë nga vota e lirë.<br /> <br />Protestuesit janë të vendosur për të vijuar kauzën dhe për t'i shkuar deri në fund.<br /> <br />Shpresa është e vrarë, gjendja e qytetarëve është përkeqësuar shumë krahasuar me 4 vite më parë, të gjithë e ndiejnë shkelmin e rëndë të pushtetit" deklaroi ai.
