Ministri i Brendshëm, Saimir Tahiri i pyetur nga Report Tv nëse do të lejohet PD që të vazhdojë protestën edhe pas orarit zyrtar të parashikuar 12:00-16:00 u shpreh se mund të vazhdojnë sa të duan tubimin.<br /> <br />"Protestuesit le të vazhdojnë sa të duan në tubim, me ditë të tëra. Do të kujdesemi për protestuesit nuk do t'i vrasim" deklaroi Tahiri.<br /> <br />Deklarata e Tahirit se nuk do t'i vrasim protestuesit, por do ti mbrojmë është një kujtesë për atë që ndodhi në 21 Janar 2011 në protestën e PS para Kryeministrisë ku u vranë 4 persona dhe në qeveri ishte ish-kryeministri Sali Berisha, që sot ndodhet para godinës së qeverisë.<br /> <br />PD po bën gati ngritjen e çadrave, ndërsa parashikohet që të ngrihen 10 të tilla dhe në krye të organizimit qëndron ish-drejtori i policisë së bashkisë së Tiranës në kohën e Bashës, Florenc Hoxha.
