Policia e Tiranës ka përgatitur planin e masave për protestën që opozita e udhëhequr nga Partia Demokratike do të zhvillojë nesër në bulevardin 'Dëshmorët e Kombit' përpara Kryeministrisë.<br /> <br />Partia Demokratike ka marrë leje për zhvillimin e protestës nga ora 12:00 deri në orën 16:00, ndërsa të angazhuar do të jenë mbi 1 mijë forca policie për të garantuar rendin dhe shmangur incidentet e mundshme.<br /> <br />Sipas burime nga policia e Tiranës ka informacione se në protestë do të ketë provokime, prandaj numri i forcave që do të angazhohen do të jetë i lartë.<br /><br />Nisur nga informacionet se mund të ketë provokime dhe Kryeministria mund të sulmohet me sende të forta, hyrja e institucionit është mbuluar.<br /><br />Por, burime nga Kryeministria pohojnë se mbulesa e zezë është vendosur me qëllim mirëmbajtjen e veprës së artit, neonit në hyrje të godinës.
