Policia e Shkodrës arrestoi këtë të hënë, Shkëlzen Xhenjën, të dyshuar si autor të plagosjes së 49 vjeçares Flutura Shpori, tri ditë më parë në Shkodër.<br /><br />Burime të TV klan thanë se Xhenja, u arrestua nga policia të dielën pasdite ndërsa ai dyshohet se mund të jetë një person i përfshirë në vrasje me pagesë.<br /><br />Dyshimet e policisë, janë se i arrestuari, mund të jetë porositur nga Sadetin Sulaj, për ta vrarë atë. Sulaj, është ish- kunati i Flutura Shporit, i arrestuar nga policia në prill të vitit të kaluar për vrasjen e bashkëshortes së tij, Suela Sula.<br /><br />Hetuesit dyshojnë se Sulaj, mund të ketë paguar, Xhenjën, për të vrarë ish- kunatën e tij, për shkak të marrëdhënieve të xhelozisë që kishte me bashkëshorten.<br /><br />Ai u arrestua nga policia menjëherë pas ngjarjes, ndërsa aktualisht ndodhet në Burgun e Shënkollit në Lezhë.<br /><br />I arrestuari Xhenja, është personazh i njohur për policinë, pasi në vitin 2014, është arrestuar edhe për vendosjen e eksplozivit një personi në qytetin e Shkodrës.<br /><br />Plagosja e Flutura Shpori ndodhi të shtunën në mesditë, kur ajo u qëllua nga dy persona pranë dyqanit të saj. E plagosura tashmë ndodhet jashtë rrezikut për jetën.<br /><br />Tv Klan
