Për sa kohë do të qëndrojë në tendën e ngritur para kryeministrisë, opozita nuk do të marrë pjesë as në punimet e kuvendit. Vendimi për bojkotin e parlamentit u mor në mbledhjen e grupit parlamentar të Partisë Demokratike që u mbajt në të njëjtin vend ku demokratët po zhvillojnë protestën e tyre. Burime nga grupi parlamentar i Partisë Demokratike thanë se për deputetët e opozitës është e pakuptimtë që njerëzit të jenë në shesh dhe ata të marrin pjesë në një parlament që sipas tyre nuk është legjitim.<br /><br />Pas mbledhjes me kryesine e grupit parlamentar kreu i Partisë Demokratike, Lulzim Basha foli për një mbështetje që ndërkombëtarët po tregojnë ndaj lëvizjes së opozitës.<br /><br />Në tendën e protestave përveç mbështetëseve të opozitës qëndrojnë edhe deputete apo drejtues te selisë blu. Në orët e pasdites, Lulzim Basha, konfirmoi vendosmërinë e demokratëve për të qëndruar në shesh, duke akuzuar kryeministrin si të lidhur me bandat dhe krimin.<br /><br />Ne selinë kryeministrore lëvizje gjatë paradites ishin të pakta, kjo dhe për faktin se është fundjave, por kjo nuk e ka penguar kryeministrin të shijojë një kafe me deputetin e PDIU Aqif Rakipi në një hotel qe ndodhet vetëm pak metra larg zyrës se tij dhe tendës ku demokratet po kërkojnë dorëheqjen e tij.<br /><br />/ TV KLAN
