Në 9- vjetorin e Pavarësisë së Kosovës, dy kryeministrat e Kosovës dhe Shqipërisë, bënë homazhe në varrin e presidentit Ibrahim Rugova, ku vendosen kurora me lule.<br /><br />Kryeministri i Kosovës, Isa Mustafa, duke u ndalur tek kontributi i presidentit Rugova tek Pavarësia e Kosovës, si arkitekt i saj, tha se në emër të veprës së tij theksi duhet vënë tek uniteti.<br /><br /> ?Të çojmë përpara progresin që është arritur dhe të krijojmë unitete të brendshëm që është i domosdoshëm për të zgjidhur shumë sfida që do të ballafaqohemi në vazhdimësi?<br /><br />Ne kuadër të ceremonive zyrtare të Pavarësisë së Kosovës, dy kryeministrat kanë vizituar Prekazin, ku vendosen kurora me lule në varrin e komandantit të UCK ?së, Adem Jashari.<br /><br />Ceremonive zyrtare i ka munguar presidenti i Kosovës, Hashim Thaçi i cili ndodhet ne Gjermani ne konferencën e sigurisë së Mynihut, por urimin e tij e ka përcjelle në rrjetet sociale.<br /><br />Ne këtë përvjetor, simbol i Pavarësisë së Kosovës NewBorn, ka ndërruar ngjyre dhe formë. ?No Walls? (Jo mure) është mesazhi i këtij viti.<br /><br />Tv Klan
