Policia është duke zbardhur të gjithë skemën dhe autorët e grabitjes me armë të ndodhur në 30 Qershor të vitit të kaluar në brendësi të aeroportit të Rinasit. Hetuesit kanë siguruar të dhëna që konfirmojnë se jo vetëm Aleks Pepa, i dyshuar si organizatori kryesor i grupit, por edhe pjestarët e tjerë janë të gjithë nga Elbasani. <br /><br />Madje sipas hetuesve të gjithë personazhet e grupit, kanë qenë më parë të skeduar nga policia për vepra të ndryshme penale, por në asnjë rast për grabitje me armë, sulme ndaj bankave apo veprime të këtij niveli.<br /><br />Po ashtu, hetuesit kanë mundur të konfirmojnë në rrugë operative se një prej bashkëpunëtorëve të grabitjes është person që ka punuar në aeroport si punonjës i kompanisë së sigurisë ICTS.<br /><br />Por nga ana tjetër, hetuesit nuk konfirmojnë nëse personi vijon ende të jetë ende pjesë e stafit të sigurisë apo është larguar.<br /><br />Tri ditë më parë, policia zbuloi në në një frigorifer në banesën e nënës së Aleks Pepës në Elbasan, një shumë prej 50 mijë eurosh. Ato besohet se janë pjesë e shumës së grabitur më 30 Qershor të vitit të kaluar në Rinas.<br /><br />Tv Klan
