Bilanci në buxhetin e shtetit për vitin 2016-të është mbyllur pozitivisht, por kjo jo për shkak të arkëtimit të taksave sipas planit, por sepse shpenzimet nuk u realizuan me 240 milion dollarë.<br /><br />Interesat e borxhit si në tregun e huaj, edhe në atë të brendshëm, i kanë kursyer buxhetit 80 milion dollarë, ndërsa 100 milion dollarë më pak kanë shkuar për pushtetin vendor, edhe pse këto fonde ishin planifikuar për tu dhënë.<br /><br />Sipas treguesve fiskal të siguruar nga Televizioni Klan, në total nga tatimet dhe taksat janë mbledhur 120 milion dollarë më pak, ku rënia më e madhe është për tatimin mbi vlerën e shtuar, taksë e cila vendoset mbi mallrat e konsumit.<br /><br />Akcizat dhe taksat kombëtare po ashtu nuk kanë patur performancën e pritur dhe sollën 50 milion dollarë humbje në bilancin e mbylljes së vitit.<br /><br />Pavarësisht kësaj, totali i të ardhurave këtë vit, i cili nuk pësoi as ndryshime të mëdha në nivelin e taksave është rritur me 330 milion dollarë.<br /><br />Gjatë muajve të fundit të 2016-ës, financat rregulluan edhe ecurinë në shpenzimet për veprat publike, të cilat gjatë gjithë vitit patën probleme në alokimin e fondeve./ TV KLAN
