Kryeministri Edi Rama u ka bërë thirrje Shteteve të Bashkuara të Amerikës dhe Bashkimit Europian që të kthejnë sytë nga Ballkani, përndryshe rajoni rrezikon të bjerë nën influencën ruse.<br /><br />Në një intervistë pvr gazetën ?The Telegraph?, Kryeministri shqiptar është shprehur se, nëse administrata Trump injoron Rajonin, atëherë Ballkani rrezikon të bjerë nën influencën e Moskës, e cila ka qenë gjithmonë e interesuar të shtrihet në këtë rajon.<br /><br />Ndërsa duke folur për Bashkimin Europian, Kryeministri Rama ngre pyetjen nëse BE po bën mjaftueshëm për të siguruar stabilitetin dhe për të bllokuar komplotet e mundshme ruse në Ballkan.<br /><br />Pa mbështetjen e BE-së, Kryeministri e sheh Ballkanin si një vend ku nuk do të ketë paqe dhe bashkëpunim.<br /><br />Rama kujton se për SHBA, ky rajon ka qenë një pikë e rëndësishme strategjike ndërsa thekson se edhe Shtetet e Bashkuara janë të rëndësishme për Ballkanin. Kryeministri u pyet edhe për zhvillimet në vend, ku tha se qeveria e tij ka ndërmarrë reforma të suksesshme dhe se opozita po e bllokon Vetting -un pasi ka frikë nga një drejtësi e pastër.<br /><br />Tv Klan
