BURREL- Një shpërthim me lëndë plasëse është regjistruar mbrëmjen e sotme në qytetin e Burrelit.<br /> <br />Mësohet se lënda plasëse ishte vendosur në pjesën ballore të një magazine të tregtimit të miellit në pronësi të një 55 vjeçari me inicialet M.S.<br /> <br />Fatmirësisht nga shpërthimi nuk ka pasur të lënduar. Ngjarja ka ndodhur rreth orës 20.40 në vendin e quajtur "Kryqëzimi i Koliqit", në lagjen "Pjetër Budi", të qytetit Burrel.<br /> <br />Siç shihet në këtë foto nga shpërthimi është dëmtuar pjesërisht grila prej llamarine e derës që hyn në magazinë si dhe një pjesë e vogël e faqes së murit në krah të derës.<br /> <br />Nuk dihen ende motivet e identiteti i personave që vendosën lëndën plasëse, por paraprakisht po hetohet pista e hakmarrjes për shkak të konkurrencës.<br /><br />Policia ka shoqëruan në Komisariat disa persona për t'u marrë në pyetje në lidhje me ngjarjen si dhe ka ngritur pika kontrolli në hyrje dhe në dalje të qytetit.
