Protesta e Partisë Demokratike te çadra përpara Kryeministrisë ka hyrë në ditën e 11.<br /> <br />Opozita është ngujuar në të ashtuquajturën "Çadra e Lirisë" që prej mesditës së datës 18 shkurt.<br /> <br />Kryetari i Partisë Demokratike, Lulzim Basha, ka renditur disa kushte për të dalë nga protesta, kauza e të cilës mbeten zgjedhjet e lira dhe të ndershme.<br /> <br />Kreu i opozitës insiston për krijimin e një qeverie teknike e cila sipas tij do garantonte zgjedhjet e 18 qershorit.<br /> <br />Një tjetër kusht i PD mbetet edhe votimi elektronik, pavarësisht se realizimi i të cilit ka pak gjasa të marrë dritën jeshile për arsye teknike.<br /> <br />Protestës së PD në Bulevardin "Dëshmorët e Kombit" i janë bashkuar mjaft figura të opozitës, ndërsa kryetari Basha ka ashpërsuar edhe retorikën politike, duke paralajmëruar për dhunë.<br /> <br />Për këtë arsye, Prokuroria ka regjistruar edhe padinë e ngritur nga Policia pas thirrjeve për dhunë të cilat bien ndesh me Kodin Penal.
