Renato Milloshi i akuzuar si një nga autorët në vrasjen e Elton Çiçës, 2 majin e kaluar në zonën e ish-bllokut ne Tiranë ka pranuar se ka ndihmuar personin që qëlloi mbi 36-vjecarin.<br /><br />Pas vetëdorëzimit në policinë e Tiranës mbrëmjen e së hënës, Milloshi ka sqaruar para oficerëve të policisë se ai kishte blerë 3 ditë para ngjarjes automjetin që shoqëroi Jani Aliajn në lokalin ku ndodhej objektivi i tyre.<br /><br />Renato Milloshi i ka thënë hetuesve se ai nuk ka marrë drejtpërdrejt pjesë në krim. Gjatë 10 muajve arrati 37-vjecari u ka thënë hetuesve se ka qëndruar në periferi të Tiranës duke ndërruar shpesh banesë për të mos rënë në sy.<br /><br />Policia ka dyshime se ai mund të ketë jetuar gjatë kësaj kohë jashtë vendit pikërisht në Greqi. Milloshi është pyetur edhe mbi kontaktet me Jani Alian e shpallur në kërkim. Ai ka sqaruar se prej ditës së vrasjes së Elton Çiços nuk ka komunikuar më me të dhe nuk e di se ku ndodhet.<br /><br />Milloshi u vetëdorëzua pas negociatave me familjarët. Dorëzimi i tij pritet të hedhë dritë edhe mbi ngjarje të tjera kriminale të ndodhura në Tiranë, Tepelenë, Fier dhe Durrës gjatë viteve të fundit.<br /><br />Dyshohet se vrasja e Elton Çiços është e lidhur me nje serë krimesh të tjera të cilat kanë pasur motiv hakmarrjen dhe kultivimin dhe trafikun e drogës në zonën e Tepelenës./ TV KLAN
