Pas këndit të lojërave për fëmijë dhe këndit të ri të forcës për të rriturit, Liqenit i është shtuar edhe kompleksi më i madh multisportiv, i cili u shërben të gjithë atyre që duan të luajnë futboll, basketboll, volejboll, regbi, hendboll apo hokej me patina.<br />Erion Veliaj: Më vjen mirë që në një periudhë rekord stafi i APR-së transformoi një djerrinë, ku askush nuk donte të kalonte kohë, madje edhe kur e bënte vrapin e bënte shpejt sepse nuk kishte asgjë tërheqëse, në një mjedis të jashtëzakonshëm për qytetarët. Kjo do të jetë një hapësirë e hapur 24 orë. Pra, kushdo në Tiranë mund të vijë këtu e të shijojë ajrin e pastër, duke u marrë me sport.<br /><br />Sipas materialit të dërguar nga zyra e shtypit në bashkinë e Tiranës, projekte të tilla do të zbatohen edhe në parqe të tjera të kryeqytetit.<br /><br />Fushat sportive janë funksionale ditën dhe natën, njëra është me bar, ndërsa dy të tjerat me tartan për basketboll, volejboll, kalçeto. Ndërkohë, tre tribunat ofrojnë 600 vende ulëse për publikun./ TV KLAN
