SHKODER-?Vrasësi kapet nga policia sepse vrau, por gjykatësi tha e lirojmë se nuk ka prova, ai del nga burgu dhe vret sërish. Tani si ta kuptojmë këtë gjykatës ne??<br /><br />Ky ishte një prej shembujve që kryeministri Edi Rama dha sot në auditoret e Universitetit të Shkodrës përballë studentëve mbi Reformën në Drejtësi.<br /><br />Sipas kreut të qeverisë, është e pafalshme që të qëndrojnë në krye të detyrës gjykatës me 18 apartamente e pasuri që nuk i justifikojnë me pagat që kanë marrë ndër vite. <br /><br />E në këtë pikë, tha Rama, ndërhyn Vettingu.<br />?Sa pasuri ka gjyqtari, sa të trashëguara sa të fituara me punë, sa i aftë është të bëjë detyrën që i është caktuar, ja këtë bën Vettingu?.<br /><br />Sipas kryeministrit, përballë kësaj situate, nuk kanë kuptim kërkesat e opozitës për qeveri teknike.<br />?Nuk e di çfarë po ndodh tani në këto momente në gjykatën e Shkodrës. Se vendime jepen cdo ditë. Kështu dikujt i merret e drejta dhe i jepet të drejtë të padrejtit. Dhe viktima shkon në darkë i lodhur e dëgjon në televizor kërkesat e opozitës për qeveri teknike. Më falni, po për çfarë i hyn në xhep atij, qeveria teknike? Atij i nevojitet Vetting të shpëtojë nga e keqja e madhe, pasurinë, nderin, familjen?, u shpreh Rama.
