Protesta e opozitës ka hyrë në ditën e 13 në çadrën para Kryeministrisë nga ku kërkojnë largimin e Ramës dhe Metës dhe krijimin e një qeveri teknike për zgjedhje të lira dhe të ndershme, ndërsa me këtë kushtëzohet edhe votimi i komisioneve të Vettingut.<br /> <br />Edhe ditën e sotme PD ka bojkotuar Kuvendin duke deklaruar se Kuvendi i tyre është para Kryeministrisë me popullin.<br /> <br />Kjo është seanca e dytë plenare që PD bojkoton, ndërsa është shprehur e vendosur që të mos rikthehet pa plotësimin e kushteve.<br /> <br />Zhvillimet nga dita e 13 e protestës së PD<br /><br />Ora 12:20 Berisha: Rama po helmon zgjedhjet me drogë<br />U bëj thirrje cdo shqiptari nëse i besoni apo jo votës së lirë dhe nëse duhet të përcaktojmë voton e lirë, prandaj iu ftoj të mendoni për votën tuaj.<br /> <br />Mendoj kur më dëgjoni, thoni lerë se nuk kemi bukë për të ngrënë dhe unë jam me ju, kafshata është më e rëndësishme se vota, por nuk ka rrugë tjetër.<br /> <br />Në Shqipëri ishte ish-kandidatja e Kolumbisë për Presidente dhe karteli i drogës e grabiti, qeveria franceze ndërhyri dhe e liroi.
