Mëngjesin e ditës së dytë të vizitës në Tiranë, Kryeministri i Landit Federal të Hessenit, Volker Bouffier, e ndau mes kryeministrit Edi Rama dhe kreut të Partisë Demokratike, Lulzim Basha.<br /><br />Pasi e quajti pasionante, protestën e opozitës, politikani gjerman, tha se shpreson që qeveria dhe opozita të flasin të njëjtën gjuhë për zhvillimin normal të zgjedhjeve.<br /><br />Volker Bouffier, Kryeministri i Landit Federal Hessen, Gjermani: ?Opozita po përpiqet të ndryshojë situatën dhe ata na thanë ne se e pranojnë faktin që nuk kanë një mazhorancë sepse kjo është një gjë që vetëm vota do ta vendosë, por duhet të ketë zgjedhje të lira dhe të ndershme. Unë i thashë kryeministrit që shpresoj që të dyja palët të gjejnë rrugën e duhur dhe të përbashkët për procesin zgjedhor. Për sa i përket protestës, është normale. Në demokraci ka qeveri dhe opozitë.?<br /><br />Procesin e Vettingut, Volker Bouffier, e përmblodhi vetëm në një fjali.<br /><br />Volker Bouffier: ?Preferoj që procesi i vettingut të nisë menjëherë...?<br /><br />Qëndrimet e tij, Kryeministri i Landit Federal të Hessenit, Volker Bouffier, i bëri gjatë takimit me studentë dhe biznesmenë mbi të ardhmen e punësimit në Shqipëri./Tv Klan
