Ka shkuar në 9 numri i personave të arrestuar për gjobëvenie e bizneseve në Shkodër. Policia njoftoi se me urdhër të prokurorisë për krimet e rënda këtë të diel janë prangosur Ibrahim Lici dhe 16-vjeçari me incialet H.L.<br /><br />Ditën e shtunë policia njoftoi arrestimin e shtatë persona si pjesë e një grupi te strukturuar kriminal që prej 7 muajsh vilnin gjoba nga tregtarët e Zdrales dhe Rrugës së Kirasit.<br /><br />Me anë të dhunës psikologjike dhe kanosjes thuajse çdo tregtarë paguante nga 1 mije leke deri 3 mijë lekë të reja çdo fund muaji. Shuma ishte në varësi të xhiros së biznesit. Ne krye të grupi, ne rolin e organizatorëve qëndronin shtetasit Muhamet Lici dhe Abedin Bajraktari, i njohur me pseudonimin ?Bukel?.<br /><br />Pjesa tjetër Denis Skutina, Gerald Skudina, Redi Bardhaj, Besmir Domnori, Gëzim Vajushi dhe Kujtim Butani ishin anëtarë të bandës me detyra të përcaktuara.<br /><br />Detyra e tyre ishte dhënia e informacionit për çdo lëvizje në treg tek drejtuesit e grupit. Madje edhe lëvizjet e policisë e cila patrullonte në zonë ndiqeshin me mjet vëmendje nga pjesëtarët e grupi. Gjithashtu çdo person i panjohur apo mjet që ishte i ri në treg ishte pjesë e informacionit që përpunohej nga grupi.<br /><br />Në fund të çdo muaji këta persona shkonin në lokalet apo dyqanet, në tregun Zdrale Shkodër duke mbledhur lekët. Prokuroria dhe policia thonë se aktivitetit kriminal është i dokumentuar me foto dhe video në momentin kur pronarët e bizneseve paguanin gjobën.<br /><br />Kjo bandë konsiderohej mjaft e rrezikshme nga hetuesit pasi ata nëpërmjet kërcënimeve kishin nxjerrë nga loja një grup tjetër i cili kryente të njëjtin aktivitet.<br /><br />Tv Klan
