Për Lulzim Bashën, zgjidhja e vetme që i hap rrugë normalizimit të situatës në vend është largimi i qeverisë. Teksa paralajmëroi shkarkimin të hënën për motive politike të kryetares së Autoritetit të Mbikëqyrjes Financiare, Basha tha se shqiptarët nuk mund t?i besojnë zgjedhjet një qeverie që ka shkatërruar institucionet.<br /><br />Basha: ?Tani kërkon që ta kthejë këtë vend edhe në një republikë të Pastrimit të parave, parave të pista të politikës dhe parave të pista të krimit. Ky shesh i qëndresës qytetare është prova se qytetarët nuk do të pranojnë kurrë që institucioni i zgjedhjeve të lira dhe të ndershme të jetë viktima e radhës e qeverisë së drogës, krimit bandave dhe pastrimit të parave. Ndaj, alternative e vetme është largimi i Edi Ramës.?<br /><br />Më herët kreu i opozitës duke iu përgjigjur ftesës se kryeministrit për t?u ulur qofte edhe ne çadër për te arritur një marrëveshje për ngritjen e komisioneve të vettingut, tha se Rama është i mirëpritur vetëm nëse vjen për të dorëzuar dorëheqjen e qeverise se tij. <br /><br />Ne një takim me fermerët që kishin sjelle me vete prodhimet bujqësore, Basha hodhi poshtë akuzat se opozita po e pengon integrimin duke mos votuar për ngritjen e komisionit te vettingut. Përgjegjëse për bllokimin, ai thotë se është qeveria Rama.<br /><br />Parlamenti do të mblidhet të hënën për vetingun, por pa opozitën nuk do te arrijë te ngrejë komisionet ad-hoc, që do të shqyrtojnë kandidaturat për anëtarët e dy komisioneve të vlerësimit të gjyqtarëve dhe prokuroreve. /Tv Klan
