Ish- komandoja Alban Voda, i arrestuar nga policia e Përmetit si autor i vrasjes dhe masakrimit të fqinjit të tij 66- vjeçar Nesim Hoxha, në fshatin Sukë të Këlcyrës nuk ka bindur hetuesit me versionet që ka dhënë për krimin e kryer një ditë më parë, duke përforcuar pistën se ai vuan nga probleme të shëndetit mendor.<br /><br />Fillimisht ai u tha oficerëve të policisë se 66-vjeçari kishte tentuar ta vriste me një kokërr ulliri, ndërsa më pas pohoi se fqinji i kishte përdhunuar hallën.<br /><br />Këto deklarime të tij nuk u morën në konsideratë nga policia, e cila i ka kërkuar Institutit të Mjekësisë Ligjore ekzaminim psikik të ish- efektivit komando.<br /><br />Voda, nuk ka qenë më parë i evidentuar si person me probleme psikike dhe po ashtu nuk ka pasur një kartelë klinike që vërtetonte këtë fakt.<br /><br />Pritet që policia dhe prokuroria të kërkojnë edhe një raport të detajuar mbi gjendjen e tij në kohën e shërbimit ushtarak. Voda kishte shërbyer në dy misione paqeruajtëse në Afganistan, përpara se në vitin 2015, të largohej nga radhët e forcave komando. / TV KLAN
