Policia e Tiranës ka arrestuar Genis Mehillajn, personin i cili bënte rolin e sekserit mes vrasësit me pagesë Juljan Sinanajt dhe biznesmenëve që porositnin vrasjet.<br /> <br />Arrestimi i 46-vjeçarit është bërë në Tiranë, ku mendohet se ai fshihej që prej 3-vjetësh.<br /> <br />Genis Mehillaj është dënuar me 10 vjet burg për vrasje dhe mbajtje e armëve pa leje dhe ishte pjesë e grupit të tritolit bashkë me Juljan Sinanajn dhe Andon Mehillajn.<br /> <br />Genis Mehillaj bashkë me kushëririn e tij Andon Mëhillaj, të arrestuar tashmë, bënin lidhjet mes biznesmenëve dhe Julian Sinanajt, për të ekzekutuar personat që biznesmenët kërkonin.<br /><br />Për këtë shërbim dy kushërinjtë mendohet se paguheshin nga 20-30 mijë euro.<br /> <br />Nga hetimet e Prokurorisë mendohet se Genis mehillaj dhe Andon Mehillaj krijonin lidhje me biznesmenët. Në momentin kur biznesmenët ankoheshin për rivalët, atëherë Mehillajt i propozonin ta vrisnin.
