Ministri Mjedisit Lefter Koka lançoi databazën për grumbullimin e të dhënave të mbetjeve falë të cilës do të ketë një panoramë të qartë mbi situatën e menaxhimit dhe të grumbullimit të gjitha llojeve të mbetjeve në territorin e Shqipërisë.<br /><br />?Prioriteti ynë vazhdon të jetë është ndërtimi i sistemit. Përsa i përket mbetjeve, por edhe në sektorë të tjerë të Mjedisit, shpesh ngremë diskutimet dhe strategjitë tona mbi shifra dhe të dhëna jo të sakta. Kjo dëmton rëndë të gjithë sistemin.<br /><br />Nëse nuk kuptojmë qartazi sa është sasia dhe lloji i mbetjeve që gjenerohen në territorin shqiptar nuk do të jemi dot në gjendje për të kuptuar sesa është sasia që mund të shkojë në industrinë e riciklimit, sa është sasia e mbetjeve që shkojnë në landfill apo në incinerator dhe ajo që është më e rëndësishme nuk do të kuptojmë dot sa duhet të jenë shpenzimet e bashkive përsa i përket kësaj sasie të mbetjeve.<br /><br />Nëse nuk kemi të dhëna koherente nuk do të mundemi dot që të menaxhojnë mbetjet ashtu si ligji e parashikon?, u shpreh Lefter Koka.
