Qindra shqiptarë mbushën rrugët e Luginës së Preshevës për të pritur Presidentin Bujar Nishani, në të parën vizitë zyrtarë të një niveli të tillë.<br /><br />Takimi me kreun e komunës së Bujanovcit, Shaip Kamberi ishte një rast që kreu i shtetit të fokusohet te garantimi i të drejtave të shqiptarëve në këtë zonë. Ndonëse Kryeministri serb Vuciç dhe mediat serbe gjejnë provokime në këtë vizitë, presidenti shqiptar thotë se nuk ka provokim, kur kërkon të drejtat themelore.<br /><br />Të njëjtën shqetësim Nishani ia shprehu edhe nënkryetarit serb të Komunës.<br /><br />Më kreu i shtetit pati një ndalesë në një prej shkollave të Bujanovcit.<br /><br />Qindra shqiptare kishin organizuar pritjen e Presidentit në qendër të Preshevës.<br /><br />Presidenti Nishani iu drejtua shqiptarëve të Luginës edhe në takimin e zhvilluar në Qendrën Kulturore të Preshevës, ku tha se mbetet i angazhuar në respekt të detyrimit kushtetues për problematikat që shqetësojnë shqiptarët jashtë kufijve.<br /><br />Motivet kombëtare shoqëruan të gjithë vizitën e kreut të shtetit shqiptar në Luginën e Preshevës.<br /><br />Tv Klan
