Edhe gjatë ditës së sotme ka vijuar operacioni "Blici Rrugor", i shtrirë në 12 qarqet e vendit, në akset kryesore dhe zonat urbane.<br /><br />Aksioni për vendosjen e rripit të sigurimit dhe mos përdorimin e celularit gjatë drejtimit të mjetit.<br /><br />Operacioni nisi në orën 14:00 dhe zgjati deri në orën 15:00.<br /><br />Sot u angazhuan rreth 680 punonjës Policie në total.<br /><br />Si dhe u ngritën dhe funksionuan 154 pika kontrolli në të gjithë vendin.<br /><br />Prej orës 14:00 deri në orën 15:00 në të gjithë vendin, Policia Rrugore e mbështetur dhe nga Patrullat e Përgjithshme dhe Shqiponjat vendosën:<br /><br />189 masa administrative për mosvendosje të rripit të sigurimit.<br /><br />145 masa administrative për përdorim të celularit gjatë drejtimit të mjetit.<br /><br />Si dhe 164 masa administrative për shkelje të tjera, si shpejtësi tej normave të lejuara, për mosvendosje të kaskës mbrojtëse etj.<br /><br />Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit, për mos përdorimin e celularit gjatë drejtimit të mjetit por edhe të respektimit të rregullave të qarkullimit rrugor në tërësi./tvklan.al
