မင်္ဂလာဒုံလေဆိပ်လုပ်ကြံမှုတွင် အသက်ပေးသွားရသော အမျိုးသားဒီမိုကရေစီအဖွဲ့ချုပ် ဥပဒေအထောက်ကူပြုအဖွဲ့ဝင် ဦးကိုနီ၏ မိသားစုဝင်များ၊ သေနတ်သမားကို လိုက်လံဖမ်းဆီးပေးခဲ့သည့် အဌားယာဉ်မောင်း ကိုနေဝင်း၏ မိသားစုဝင်များ နှင့် မင်္ဂလာဒုံလေဆိပ်မှ အငှားယာဉ်မောင်းများကို ပရဟိတအဖွဲ့များနှင့် ပြည်သူများစုပေါင်းပြီး ဂုဏ်ပြုခဲ့ကြသည်။<br /><br />အဆိုပါ ဂုဏ်ပြုပွဲကို ဖေဖေါ်ဝါရီလ (၁၇)ရက်နေ့က ရန်ကုန်မြို့၊ တော်ဝင်နှင်းဆီခန်းမတွင် ကျင်းပပြုလုပ်ခဲ့သည်။<br /><br />ဂုဏ်ပြုပွဲသည် နိုင်ငံ့သားကောင်းများကို ဂုဏ်ပြုခြင်းတင်မဟုတ်ဘဲ နောက်ထပ် နိုင်ငံသားကောင်းများ၊ ရဲရင့်သူများ ထပ်မံပေါ်ထွက်ပေါ်လာစေရန် ရည်ရွယ်ခြင်း ဖြစ်ကြောင်း စာရေးဆရာထင်လင်းဦး (WISDOM VILLA) ကပြောသည်။<br /><br />"ဦးကိုနီ၊ ကိုနေဝင်း၊ ဦးကျော်ဦးနဲ့ အဲ့ဒီ အငှားယာဉ်မောင်းတွေဟာ ကျွန်တော်တို့နိုင်ငံသားတွေရဲ့ ကျေးဇူးတင်ခြင်းကို ခံထိုက်တယ်။ သူတို့အတွက် သတိတရ ဂုဏ်ပြုခြင်းကို ခံယူထိုက်တယ်ဆိုပြီး ကျွန်တော်တို့ ဒီပွဲကိုပြုလုပ်ခဲ့တာပါ" ဟု ၎င်းက ပြောသည်။<br /><br />ဂုဏ်ပြုပွဲတွင် ဦးကိုနီမိသားစုဝင်များကို ဂုဏ်ပြုငွေ ကျပ်သိန်း(၂၀၀)ကျော် ပေးအပ်ခဲ့ပြီး ဦးနေဝင်းမိသားစုအတွက် သိန်း(၉၀၀)ကျော် ပေးအပ်ခဲ့သည်။ ထို့အပြင် အငှားယာဉ်မောင်းဦးကျော်ဦးအတွက် ကျပ်သိန်း(၂၀) နှင့် အငှားယာဉ်မောင်းအဖွဲ့ကို သိန်း(၉၀) အသီးသီးပေးအပ်ဂုဏ်ပြုခဲ့ကြသည်။<br /><br />ယခုကဲ့သို့ဂုဏ်ပြုရန်အတွက် အနယ်နယ်အရပ်ရပ်မှ ပြည်သူများက ဘဏ်အကောင့်ထဲသို့ ထည့်ဝင်လှူဒါန်းခဲ့ခြင်းဖြစ်သည်။<br /><br />ကိုနေဝင်းသည် သူ့စိတ်ဓါတ်ကို ဖော်ပြသွားတာဖြစ်ကြောင်း၊ ဦးကိုနီကဲ့သို့ ပုဂ္ဂိုလ်မဟုတ်ခဲ့လျင်လည်း သူ့အနေဖြင့် ကူညီမည့်သူမျိုးဖြစ်ကြောင်း အငှားယာဉ်မောင်းဦးနေဝင်း၏ အမျိုးသမီးဖြစ်သူ မစုသက်ခိုင် ကပြောသည်။<br /><br />“အခုလိုဂုဏ်ပြုနေလို့လည်း သူမှမကြားနိုင်တော့တာလေ” ဟု မစုသက်ခိုင်က ဆက်ပြောသည်။<br /><br />ဦးကိုနီသည် ဇန်န၀ါရီလ (၂၉) ရက်နေ့က ရန်ကုန်အပြည်ပြည်ဆိုင်ရာလေဆိပ် အပြင်ဘက်တွင် သေနတ်သမား၏ လုပ်ကြံပစ်ခတ်မှုကို ခံခဲ့ရသည်။ အငှားယာဉ်မောင်းဦးနေဝင်းသည် သေနတ်သမားကို လိုက်လံဖမ်းဆီးရင်း သေနတ်သမား၏ ခုခံမှုကြောင့် သေဆုံးခဲ့ခြင်း ဖြစ်သည်။ အငှားယာဉ်မောင်းဦးကျော်ဦးသည် အခင်းဖြစ်ပွားပြီးသည့်နောက် သေနတ်သမားထွက်ပြေးရန် ကားကိုလုယက်ရာတွင် လိုက်မပို့ဘဲ ပြန်လည်တုံ့ပြန်ခဲ့သူ ဖြစ်သည်။
