Меѓаши со остра осуда реагира на колумната на Никола Шиндре активист на невладина организација преку која се обидува да ја оправда педофилијата. <br /> <br />Директорот на првата детска амбасада прашува дали ќе преземат одговорност за секое следно дете жртва на педофилија авторот и порталот на кој е објавена колумната. <br /> <br />Дали Јавниот обвинител ќе го гони кривично активистот кој се залага за легализација на педофилијата со текстот насловен сексуалноста над рационалноста. <br /> <br />Змијанац потенцира дека ставовите на Шиндре за педофилијата се спротивни на членот 3 од Конвенцијата за правата на детето. За објавената колумна и користење на медиумски простор со што се прекршуваат правата на детето од детската амбасада најавија и претставка до Народниот правобранител. <br /> <br />- Да не дозволиме на мала врата, преку медиумскиот простор, легализација на едно од најопасните кривични дела кои оставаат трајни последици по личноста на детето (сексуална злоупотреба / педофилијата ) и немаат врска со сексуалната слобода и борбата за правата на ЛГБТ заедницата! ДЕТСКАТА АМБАСАДА МЕЃАШИ СЕ ЗАЛАГА ЗА ДОЖИВОТНА КАЗНА ЗАТВОР ИЛИ ХЕМИСКА КАСТРАЦИЈА ЗА СЕКОЈ ПЕДОФИЛ (под ова се подразбираат и мажите и жените иако педофилијата е многу ретка меѓу жените). Доживотен затвор како казнена мерка може да помогне сторителите на овие тешки кривични дела да бидат во целосна изолација. Од друга страна и превентивно да помогне да не се случуваат сексуални злоставувања на деца од истите сторители, а воедно да биде и опомена за сите идни случаи, изјави Драги Змијанац Директор на Прва детска амбасада МЕЃАШИ. <br /> <br /> <br /> <br />Во борбата против педофилијата треба да бидат мобилни и посветени сите апелира Змијанац. Родители, граѓани, ѓраѓански организации, медиумите и сите институции треба да бидат активни и внимателни со цел поголема заштита на децата, нивната личност, достоинтво. <br /> <br />Инаку Никола Шиндре во својата колумна пишува дека педофилите се „маргинализирана група“ а исто и децата кои според него „сакаат да имаат сексуални односи со возрасни“. Овој текст предизвика бура од реакции и осуди и од голем број јавни личности, истакнати професори, психолози, социолози. Токму тие предупредуваат дека ваквите ставови на поединци не се осамени и се многу симптоматични. <br /> <br /> <br />Мирјана Давидовска
