Dy çifte, në dukje të qytetëruar takohen për të rregulluar pasojat e një episodi të dhunshëm, i cili shpërthen ndërmjet dy fëmijëve të tyre. Djali i Alain-it dhe Anet-ës i theu dy dhëmbë djalit të Mishelit dhe Veronikës.<br /><br />Prindërit e djalit dhunues vizitojnë prindërit e viktimës për të kërkuar falje dhe për ta ndrequr gabimin, të paktën nga ana ekonomike.<br /><br />Gjatë vizitës, gjërat fillojnë me diplomaci, por gradualisht, mes tyre rritet një tension që vjen nga përjetime të ulta shpirtërore që shfaqen përtej maskës së mirësjelljes.<br /> <br />Me këtë intrigë ?Zoti i masakrës?, komedia e Yasmina Reza-s do të shfaqet premierë nga data 11 dhe 12 mars në Teatrin Eksperimental ?Kujtim Spahivogli?.<br /><br />Komedia vjen nën regjinë e Kiço Londos dhe pjesë e kastit të aktorëve janë Erand Sojli, Ermira Gjata, Alert Çeloaliaj dhe Ermira Hysaj. <br /><br />Regjizori Kico Londo dhe aktorët që e kanë ngjitur në skenë këtë shfaqje janë prirur nga një ambicie artistike.<br /><br />?Zoti i masakrës? është konsideruar si një nga komeditë më të mira të dhjetë viteve të fundit dhe është nominuar për disa nga çmimet më prestigjioze në kinematografi.<br /><br />Hipokrizia është tema, që transformohet në një përjetim të gjallë në skenë nga publiku.
