Një i moshuar mendohet të jetë djegur pasi zjarri përfshiu banesën e tij në lagjen lagjen Vojo Kushi, në Shkodër.<br /><br />Policia njoftoi se zjarri përfshiu një banesë dy katshe ku jetonin dy familje në vendin e quajtur rruga e Vajgurit, rreth orës 16:12.<br /><br />Punonjësit e policisë dhe zjarrfikësit e mbërritur në vendngjarje kanë evakuuar shtetasin R. H së bashku me familjen, ndërsa në banesën e të moshuarit Haki Hoxha, 74-vjeç, nuk u futën dot për shkak të përmasave të mëdha të flakëve.<br /><br />?H.H sipas deklarimeve të bashkëshortes dyshohet se ka ngelur brenda në banesë, ndërsa bashkëshortja ka dalë pa pësuar lëndime,? tha policia.<br /><br />Zjarrfikëset po punojnë për fikjen e zjarrit.<br /><br />Zjarri, i cili dyshohet se ka nisur pas shpërthimit të një bombole gazi, ka rënë në një banesë dy-katshe dhe rrezikon edhe dy banesa ngjitur. /tvklan.al
