Saimir Tahiri, Ilir Beqaj, Blendi Klosi e Bledi Çuçi janë katër emrat, që Kryeministrit Edi Rama duket se i duhen më shumë në terren për zgjedhjet. Rëndësinë e tyre në qarqet që mbulojnë, kreu i qeverisë e nënvizoi në zyrtarizimin e largimit të tyre nga qeveria.<br /><br />Koordinatorët e tjerë ministra, siç janë Bushati, Kodheli, Nikolla e Gjiknuri i shpëtuan lëvizjeve të fundit. Ata do të vijojnë punën në terren si koordinatorë partie, edhe me portofolin e ministrit në xhep.<br /><br />Ky vendim duket pak nonsense, veçanërisht tek lënia me të dy funksionet e Ministrit të Jashtëm Bushati. Ai do të vazhdojë punën për zgjedhjet edhe si koordinator në qarkun e Shkodrës, por edhe do të vazhdojë angazhimet, kryesisht me vizitat jashtë vendit, në funksionin e Ministrit të Jashtëm, ndërkohë që vetë largimet u arsyetuan me nevojën për t?u angazhuar me kohë të plotë, o njërin o në tjetrin fuksion.<br /><br />Me largimin e katër ministrave kanë nisur të përfliten emrat e parë si zëvendësues të tyre.<br /><br />Në postin e Ministrit të Brendshëm, kandidati kryesor duket Zv/Kryeministri aktual, Niko Peleshi dhe vendin e Peleshit si numri dy i qeverisë, pritet ta zerë Pandeli Majko.<br /><br />Dy kandidatura të tjera për detyrën e Ministrit të Brendshëm janë edhe dy figura disi më periferike dhe pa peshë të mirëfilltë politike, si Ministrja aktuale e Shtetit për marrëdhëniet me Parlamentin, Ermonela Felaj dhe Deputeti Vexhi Muçmata, dy ish - prokurorë në profesion.<br /><br />Në vend të Blendi Klosit, në krye të Ministrisë së Punës dhe Çështjeve Sociale gara është mes dy deputeteve,Vasilika Hysi dhe Olta Xhaçka.<br /><br />Për zëvendësimin e Ilir Beqajt në krye të Ministrisë së Shëndetësisë dhe Bledi Çuçit në Administrim për Çështjet Vendore, nuk ka ende emra konkretë.<br /><br />Orët në vijim pritet të qartësojnë lëvizjen më të madhe të ministrave brenda forcës më të madhe qeverisëse, që vjen në fund të mandatit.
