Prokuroria e Përgjithshme kërkon ndërprerjen e mandatit për kryetarin e bashkisë së Tepelenës, Termet Peçi dhe atij të Poliçanit, Adriatik Zotkaj. Sipas vetë kreut të organit të akuzës ata preken nga ligji i dekriminalizimit.<br /><br />Prokuroria sqaron se kreu i bashkisë së Tepelenës, Tërmet Peçi e ka plotësuar dy herë formularin. Herën e parë pyetjen nëse ka qenë i dënuar nuk e ka plotësuar. Ndërsa herën e dyta ka pranuar se ka qenë i dënuar me 150 mijë lekë gjobë për përdorimin e dokumenteve të falsifikuara. Por plotësimi për së dyti për prokurorinë është i pavlefshëm pasi është bërë jashtë afateve që përcakton ligji.<br /><br />Të njëjtën procedurë ka ndjekur edhe Adriatik Zotkaj në Poliçan që gjithashtu ka plotësuar dy formulare. Ai rezulton që të ketë qenë i dënuar disa herë për vepra të ndryshme penale, ndërsa ka fshehur një dënim të vitit 1985. Duke qenë vetëm 3 muaj larg zgjedhjeve Adriatik Llalla njoftoi se të gjithë kandidatët do të kalojnë në sitën e prokurorisë.<br /><br />Sektori i Dekiminalizimit në Prokurorinë e Përgjithshme të paktën zyrtarisht po heton 5 deputetët: Artan Gaçi, Mhill Fufi, Aqif Rakipi, Gledion Rehovica, Omer Mamo si dhe kryetarin e bashkisë Pogradecit Eduart Kapri. Por burimet sqarojnë se në listën e zyrtarëve që prek nga dekmrinalizimi janë edhe disa të tjerë./ TV KLAN
