Subscribe në Ora News këtu http://bit.ly/1s5j7UT<br /><br />Në kuadër të vizitës së tij zyrtare në Finlandë, Kryetari i Kuvendit, Ilir Meta u prit sot në Helsinki nga kryediplomati finlandez, Timo Soini, me të cilin vlerësuan marrëdhëniet shumë të mira politike mes dy vendeve.<br />Duke nënvizuar thellimin e bashkëpunimit të mëtejshëm, Meta shprehu mirënjohjen për mbështetjen e Finlandës ndaj integrimit evropian të Shqipërisë<br />Kryeparlamentari nënvizoi përkushtimin e Kuvendit në interes të dialogut politik dhe avancimit cilësor të reformave kyçe, siç është ajo e sistemit të drejtësisë.<br />Nga ana e tij, Soini u shpreh se Finlanda e mbështet Shqipërinë në rrugëtimin e saj evropian dhe theksoi se forcimi i sundimit të ligjit në të gjithë vendet e Ballkanit i shërben gjithë Evropës.<br />Në përfundim z. Meta dhe z. Soini biseduan edhe mbi zhvillimet e fundit në rajon duke theksuar rëndësinë e mbarëvajtjes së stabilitetit dhe perspektivës evropiane të të gjithë vendeve të Ballkanit Perëndimor ku Shqipëria luan një rol kyç.<br /><br />Për më shumë lexoni në: http://www.oranews.tv/vendi/meta-me-kryediplomatin-finlandez-kuvendi-i-perkushtuar-per-dialog-politik/
