Kryetari i PD, Lulzim Basha u shpreh edhe sot nga çadra e PD para Kryeministrisë se nuk kërkon 'koka turku', referuar ndryshimeve në qeveri, por largimin e Edi Ramës dhe krijimin e një qeveri teknike.<br /> <br />Ai akuzoi Ramën se po merr koka turku për të shpëtuar nga gjykimi, por sipas Bashës dita që kryeministri të përgjigjet po vjen.<br /> <br />"Fasada është shkërmoqur para shqiptarëve, arroganti që krekosej sot është një frikacak i strukur prapa fasadës që po merr koka turku shërbëtorët e vet me shpresën se do ti shpëtojë gjykimit popullor që po vjen" tha Basha.<br /> <br />Në vijim të fjalës së tij, kryedemokrati ripërsëriti akuzat se qeveria po punon për interesat e oligarkëve dhe jo të popullit.<br /> <br />"Ka harxhuar 500 mln euro për projekte fasadë. Këto para Edi Rama nuk i ka për investime por për xhepat e tij.<br /> <br />Paratë e qytetarëve i ndan me një grup njerëzish të korruptuar. Fasada është hajdutëria e republikës së vjetër me në krye Edi Ramën, të cilën do ta rrëzojmë shumë shpejt" deklaroi Lulzim Basha.
