TIRANË- Një zjarr ka përfshirë ditën e sotme katin e nëndheshëm të Bibliotekës Kombëtare si pasojë e të cilit janë djegur disa dokumente të vjetra.<br /> <br />Mësohet se kanë mbetur të lënduar dy zjarrfikës dhe një punonjës në bibliotekë i identifikuar si Arjan Ceci, të cilët janë asfiksuar nga tymi por fatmirësisht ndodhen jashtë rrezikut për jetën.<br /> <br />Zjarri ka rënë në fondin e Bibliotekës ku ndodhen Antikuarët dhe librat e vjetër. Siç raportohet nga vendngjarja shumë dokumente të vjetra janë përfshirë nga flakët por nuk dihet saktësisht sasia.Shqiptarja.com sjell pamjet sesi shkrumbohen dokumente e libra të vjetër.<br /><br />Paraprakisht dyshohet shkak ka qenë një shkëndijë elektrike.<br /> <br />Mësohet se forcat zjarrfikëse kanë hyrë nga dritarja dhe pasi kanë lokalizuar vatrën e zjarrit kanë bërë të mundur shurjen e flakëve. Ndërhyrja e tyre ka qenë paksa e vështirë për shkak të frikës se uji mund të dëmtonte librat e tjerë që ndodhen në katin e nëndheshëm të bibliotekës.
