Këto janë pamjet e brendshme të rafteve me libra të fondit të Bibliotekës Kombëtare, kur ajo u përfshi nga flakët.<br /><br />Zjarri përfshiu katin e tretë të nëndheshëm të ambienteve të Bibliotekës kombëtare në rrugën Luigj Gurakuqi në Tiranë.<br /><br />Flakëve nuk iu shpëtuan as librat më të vjetër dhe të rrallë Bibliotekës.<br /><br />Nuk ka një konfirmim zyrtar mbi sasinë e librave të djegur, apo rëndësinë e tyre, pavarësisht se burimet thonë se janë djegur libra të rëndësishëm.<br /><br />Të gjithë punonjësit e bibliotekës u evakuuan nga zjarrfikësit dhe policia, ndërsa një prej rojeve, Arjan Çeçit, i ra të fikët, i asfiksuar nga tymi.<br /><br />Ndërhyrja e shpejtë e zjarrfikësve, mundi të minimizonte dëmet, ndërsa ende nuk ka një konfirmim zyrtar mbi dëmet e sakta të zjarrit.<br /><br />Zëvendësministri i Kulturës Zef Çuni, tha se janë fare pak libra të djegur dhe pjesë e një fondi të parëndësishëm.<br /><br />Nga hetimet e para dhe këqyrja e kryer nga ekspertët, dyshohet se zjarri ka pasur si shkak ngarkesën e elektrike në rrjetin e bibliotekës.<br /><br />Policia nisi hetimet për rastin duke marrë deklarimet e punonjësve dhe të personave të tjerë që mund të kenë dijeni mbi shkaqet e mundshme.<br /><br />Tv Klan
