Albcontrol, Agjencia e Kontrollit te Trafikut ajror në Shqipëri, pranon rritjen e tarfiës për uljen dhe ngritjen e avionëve në pistën e Rinasit. Në një intervistë për Televizionin Klan, Belinda Balluku, drejtore e Albcontrol, sqaron se rritja ndodhi për herë të parë në 10 vite, dhe reflektoi çmimet e tjera të rritura të projekteve të navigimit në ajër.<br /><br />Nga 158.7 euro, një avion duhet të paguajë 202 euro, ose 43 euro më shumë. Balluku, thotë se kjo tarifë nuk reflekton shumë te çmimi i biletave, e për të çmimet e kripura të Rinasit kanë një tjetër përgjegjës.<br /><br />Kur kalon në aeroportin Nënë Tereza, pothuajse të gjithë udhëtarët i dëgjon të ankohen për çmimin e lartë të biletave, por atyre që u bën më shumë përshtypje janë të huajt.<br /><br />Shqipëria së shpejti mbush një vit që ka hequr ekskluzivitetin për konçesionarin e Rinasit, por biletat vazhdojnë të jenë më të lartat në Europë. / Tv Klan
