FIER-Ura që të çon në plazhin e Darzezës është kthyer në makth për qytetarët e Fierit. Ajo tashmë e ka marrë emrin edhe si ura e vdekjes pasi në të kanë ndodhur me dhjetëra aksidente.<br /> <br />Rasti më i fundit është edhe ai ndodhur një muaj më parë ku humbën jetën 2 qytetarë, për të cilët është vendosur edhe kjo tufë me lule.<br /> <br />Ura e gjatë 12 metër nuk ka asnjë tabelë paralajmëruese dhe as parmakt të cilët mbrojnë shoferët të cilët ecin në këtë urë.<br /> <br />Dikur në këtë urë ka pasur disa parmakë të cilët ishin tërësisht jashtë standartit, por me kalimin e kohës ata u dëmtuan dhe nuk janë zëvendësuar.<br /> <br />Banorët shprehen se shpesh kanë qenë deshmitarë të aksidenteve, madje kanë qenë po ata të cilët i kanë shpëtuar njerëzit që kanë përfunduar në kanal.<br /> <br />Në lidhje me këtë problem në njësinë administrative Dermenas thonë se kanë bërë një kërkesë në bashkinë e Fierit dhe sipas tyre është planifikuar që brenda muajit prill do të fillojë sistemimi dhe vendosja e të gjithë sinjalistikës së nevojshme.
