Zbardhet ngjarja në Bathore, sherri mes adoleshentëve përfundoi në vrasje. Nga hetimet e kryera ka rezultuar se konflikti ka nisur në këto rrethana:<br /><br />Shtetasit K.P dhe L.C, janë konfliktuar midis tyre për motive të dobëta. Në këtë konflikt janë përfshirë edhe shtetasit Aleksander Barlika, Altin Barlika (dajat e shtetasit K. P.) dhe Rasim C. (babai i L.C), të cilët janë konfliktuar fillimisht me mjete të forta me njëri-tjetrin.<br /><br />Konflikt i cili më pas është përshkallëzuar në përdorim të armëve të zjarrit e më saktësisht, shtetasit Aleksandër Barlika (Bajrami) dhe Altin Barlika (vëllezër ndërmjet tyre) të shoqëruar dhe nga nipi i tyre K.P, kanë nxjerrë një armë tip pistoletë dhe kanë tentuar të qëllojnë ndaj shtetasve L.C, D.C dhe Rasim C. <br /><br />Në këtë kohë duke përfituar nga gjendja e rremujës së krijuar, shtetasi L.C, ka marrë një armë gjahu, tip çifte me të cilën ka qëlluar Aleksandër Barlikan i cili ka gjetur vdekjen si pasojë e plagëve të marra ndërsa Altin Barlikaka marrë dëmtime të lehta trupore.<br /><br />Specialistët e Seksionit të Krimeve ndaj jetës kanë arrestuar:<br /><br />1. Rasim C, 49 vjeç, banues në Tiranë.<br /><br />2. L.C, 16 vjeç, banues në Tiranë.<br /><br />3. Altin Barlika, 38 vjeç, banues në Tiranë.<br /><br />4. K.P, 16 vjeç, banues në Tiranë.<br /><br /> Në vendin e ngjarjes janë sekuestruar në cilësinë e provës materiale:<br /><br />Një armë zjarri tip pistoletë TT, me një krëhër dhe 8 fishekë dhe një armë gjahu e tipit çifte.<br /><br />Materialet proceduriale iu kaluan Prokurorisë pranë Gjykatë së Shkallës së parë Tiranë për veprat penale "Vrasja me dashje", "Vrasja me dashje e mbetur në tentativë në bashkëpunim", "Plagosja e lehtë me dashje", "Prodhimi dhe mbajtja pa leje e armëve luftarake dhe e municionit" dhe "Moskallëzimi i krimit"./tvklan.al
