Sfida me Italinë do të zhvillohet pas pak ditësh në Palermo. Kombëtarja do të grumbullohet të hënën në Durrës dhe presidenti i Federatës Shqiptare të Futbollit, Armand Duka shpreson në një lojë të mirë të kuqezinjve.<br /><br />Armand Duka (President i FSHF-së): E rëndësishme është të bëjmë një lojë të mirë dhe urojmë që të kemi edhe një rezultat pozitiv.<br /><br />Këto ditë më mediat italiane dhe shqiptare është përmendur fakti se Gianni De Biasi mund të largohet pas eliminatoreve të Kupës së Botës. Armand Duka jep variantin e tij.<br /><br />Armand Duka: Nuk ka asgjë të diskutuar mes nesh dhe nuk besoj se është e vërtetë se ka një dëshirë të trajnerit për tu larguar nga Shqipëria.<br /><br />Kreu i futbollit shqiptar kërkon edhe një rol në UEFA dhe po punon për të gjetur mbështetje te federate anëtare për zgjedhjet e 5 prillit.<br /><br />Armand Duka: Ka pasur një mbledhje në Qipro që kanë mbështetur 14 vende kandidaturën dhe tani të shohim çfarë do të bëjë pjesa tjetër e Europës.<br /><br />Armand Duka i bëri këto deklarata pas inaugurimit të një fushe për në Qendrën Kombëtare e Rehabilitimin të Personave më Aftësi të Kufizuar. Shqipëria do të marrë pjesë edhe me një kombëtare në Europianin verbërve që do të zhvillohet këtë vit në Rumani.<br /><br />Tv Klan
