TIRANE- I ka dhënë fund aventurës pas 1 orë e 20 minuta, Qazim Bruka i cili kërcënoi se do të hidhej nga një lartësi e konsiderueshme e një oxhaku në zonën e Laprakës në Tiranë. <br /><br />ka qenë ish-bashkëshortja e tij, Hyrije Bruka, ajo e cila e ka bindur të zbresë nga lartësia. "Po vajzën ku do e lësh?", mësohet t'i jetë drejtuar gruaja ish-burrit të saj. <br /><br />Qazim Bruka, 43 vjeç u ngjit në oxhakun e një uzine, pranë depos së ujit dhe kërcënoi se do t'i jepte fund jetës për shkak se shërbimi përmbarimor e ka nxjerrë nga shtëpia pas divorcit me bashkëshorten si dhe prej një viti takon fëmijët.<br /><br />Bruka mbante në duar disa dokumente ndërsa përsëriste vazhdimisht se është dhunuar fizikisht nga përmbarimi. <br /><br />Mësohet se Qazim Bruka nuk lejohet nga ish-bashkëshortja e tij, Hyrije Bruka, që të jetojë me të në një banesë, pasi çifti është ndarë. <br /><br />Në vendngarje kanë mbërritur forca të shumta policie si dhe shërbimi zjarrfikës, ndërsa një prej efektivëve të RENEA-s po negocion me të për t'i dhënë fund kësaj aventure. <br /><br />Policia po negocion me të për të zbritur nga lartësia nga ku kërcënon se do të hidhet. Ndërkohë, ka mbërritur edhe ish-bashkëshortja, për ta bindur që të mos vetëflijohet.
